______ ابن الاصول ____
تعالو نعرف يعني ايه ابن الاصول بتعرف ابن الاصول إزاى
إبن الاصول
عمره ما ينكر فضل حد بعد فضل ربنا عليه أو ينساه.
بيفضل باقي على العشرة لحد آخر لحظة وبيعمل كل إللي عليه وزيادة.
ما بيردش الأذي بالاذي.
وقت الشدة لو احتجته لازم هتلاقيه ويمكن من غير ما تطلب كمان هتلاقيه قدامك.
بيساعد الكل من غير أي مصلحة تعود عليه حتي لو حساب نفسه
إبن الاصول كرامته عنده راس ماله ومستحيل هيقبل أي إهانة، ونفسه عزيزة عليه فوق ما خيالك ممكن يوديك.
إبن الاصول بيعرف يعتذر. لو غلطان مش بيستكبر، يقول أنا آسف وغلطت فعلاً وغلطه ما بيكرروش.
إبن الاصول كلمته واحدة، لما يقولك هعمل صدقه.
إبن الاصول ضميره من جواه ييتحكم فيه وما بيسلمش ودانه لحد
إبن الاصول صاحب صاحبه جدا مستحيل يبيع صاحبه علشان مصلحته
إبن الاصول حد جدع بالفطرة الطيبة ملازماه
إبن الاصول بيعرف يعاتب مرة واتنين وثلاثة علشان مش من طبعه إنه يفرط في حد بسهولة. بس لما بيفرط ربنا ما يوريك عمرك ما هتعرف ترجعه تاني!
إبن الاصول ملوش في الحوارات، بيقولك في وشك إللي هو عايزه وإيه إللي ينفع وإيه إللي ما ينفعش. اللف والدوران مش سكته.
إبن الاصول عزيز وله بدل العزيز عزيز واتنين، مش زي غيره مالوش غالي.
إبن الاصول لو اتظلم عمره ما يظلم. بيسيب ربنا يجيبله حقه.
إبن الاصول يصفي بسرعة لو لقاك شاري، وينسي بسرعة لو لقاك بايع.
إبن الاصول يحب الخير لغيره حتي لو مش هيطول من الخير ده حاجة، ويفرحلك من قلبه بجد.
إبن الاصول عينه شبعانه عمره ما يبص في رزق غيره ولا يبص في حياة غيره.
إبن الاصول بيقدر ويحترم أبسط وأقل حاجة حلوة بتعملها معاه.
إبن الاصول ما بيعرفش يخون ولا يجرح ولا يستغل فرص ولا يستغل حد.
إبن الاصول صاحب الكل.
إبن الاصول ما يعديش عليه واجب، ويديلك حقك من غير ما تطلبه.
إبن الاصول يديلك إللي محتاجة عادي جداً، ويطلع من جيبه لحد آخر قرش معاه. ما بيفكرش في نفسه وبس، طبعه وأصله الكرم.
إبن الاصول مهما كان ناجح أو عنده كتير أخلاقه غلباه، ما يعرفش يتغر علي خلق الله.
إبن الاصول مستحيل يعايرك بإللي عمله معاك في يوم، بيسيبك لوحدك تعرف الفرق بينه وبين غيره.
إبن الاصول جواه رحمة وعدل ودايماً بيحط نفسه مكان غيره.
إبن الاصول مش لازم يكون مشهور او إللي بيلبس برندات ولا إللي معاه فلوس ولا إللي راكب افخم عربيات و لا اللى ساكن في أحلي الأماكن ، هو اللى بيتعامل مع الحاجات دى عادى مش اللى منبهر بيها لان فاهم ان قيمته فى ذاته و ميلزموش يعرف اللى حيعرفه علشان الحاجات دى .
إبن الاصول مش منصب ولا جاه.
إبن الاصول إللي بيعمل الأصول . خليك ابن اصول واعمل بااصلك لا ن كل اناء ينضح بما فيه فااجعل نضح انائك ينضح منه كل مزاق جميل وطعمه احلي من العسل ياابن الاصول خليك انيق خليك راقي خليك محبوب خليك محمدي تحياتي الاديب مختار طه العدوي
